Y3NOLOGY® - I, HEREBY, PRAY.




- 商務機票是不需要用錢購買的  -
沒有不加入亞洲萬里通的理由



身邊朋友都愛旅遊,但不是每一位都有加入ASIA MILES PROGRAMME,我真心好好奇,為什麼愛去旅行的人會真金白銀買機票而不是玩下儲里數?

大家都有錯覺儲里數即係要洗好多錢,「唔係我地呢D平民百姓儲到架!」。我真心想說,我也是個編輯仔,但一年都有一套商務來回首爾機票啊(ASIA MILES 50000里)!但我真心無咩點洗錢,咁究竟係點儲既呢?

須知道ASIA MILES個個月都有大大小小PROMOTION,特別餐飲計劃下,好多時指定餐廳都做到HK$1一里(注意這個並未計算您用信用卡簽所賺的里數),例如DINING CONCEPT旗下餐廳,食滿HK$800就有800里,所以小編會好留意ASIA MILES推廣餐廳儲里數;

HK$800都仍然好貴,仲有無其他優惠計劃?有!早排ASIA MILES同酒店預定品牌合作,首次訂購至少賺5000里,講緊係一間HK$560幾蚊既香港酒店一晚就額外多5000里!當然這些優惠計劃會為您預期中洗多左HK$560,但我既諗法就係當買里數,相比起買商務機票,呢種錢洗得過!

另外有番一兩張專儲里數既信用卡真係好重要,呢排鄭秀文既聲線真係深入民心!簽HK$7500就有15000+2000里,真係無咩可能唔會一年儲到50000里!
喜歡去旅行既朋友,我好建議不要貪一千幾百迎新禮物,儲里數最實際!


Post By : Kelvin Wong on  8 December, 2016


 
8 COMMENTS